Wednesday, July 6, 2022
Sponsored advertisementspot_img
Sponsored Advertisementspot_img
HomeMuslim Worldஈரான் மற்றும் ஓமன் சூறாவளியில் ஒன்பது பேர் பலி!

ஈரான் மற்றும் ஓமன் சூறாவளியில் ஒன்பது பேர் பலி!

ஈரான் மற்றும் ஓமன் ஆகிய நாடுகளில்  சஹீன் சூறாவளி காரணமாக குறைந்தது ஒன்பது பேர் உயிரிழந்துள்ளனர்.

சஹீன் புயல் நேற்று ஞாயிற்றுக்கிழமை  ஓமன் நாட்டை தாக்கியது.

மணிக்கு 120 முதல் 150 கி.மீ வேகத்தில் கரையை கடந்துள்ளது. கடற்கரை பகுதிகளில் வாழும் ஆயிரக்கணக்கான மக்கள்  பாதுகாப்பான இடங்களில் தங்க வைக்கப்பட்டுள்ளனர்.

தலைநகர் மஸ்கட்டில் உள்ள  தெருக்கள் வெள்ளத்தில்  மூழ்கின.சஹீன் புயல் கரையை கடந்த பின் வீரியத்தை இழந்தது என்று அங்குள்ள வானிலை மையம் அறிவித்துள்ளது.

இந்த புயலின் காரணமாக ஈரானில் உள்ள சிஸ்டான் – பலுசெஸ்தான் மாகாணத்தின் தென்கிழக்கு பகுதியில் உள்ள ஒரு துறைமுகத்தில்  6 பேர் பலியாகியுள்ளனர்.

ஓமனில் சஹீன் புயல் கரையை கடக்கும் முன்னரே வெள்ளத்தால் ஒரு குழந்தை உட்பட 3 பேர் பலியாகினர். இதனால் மொத்த பலி எண்ணிக்கை 9 ஆக உயர்ந்துள்ளது.

வீதிகள் மோசமாக சேதமடைந்துள்ளதால் மிகவும் அவசியமான தேவைகளுக்காக மட்டும் வெளியே வரும்படி உத்தரவிடப்பட்டுள்ளது.

மஸ்கட் நகரத்துக்கான விமான சேவைகள் நிறுத்தப்பட்டுள்ளன.

வீதிகள் மற்றும் மின் சேவை உபகரணங்கள் பலத்த சேதமடைந்துள்ளன. புயல் காரணமாக, ஓமன் மற்றும் ஸ்கொட்லாந்து இடையேயான கிரிக்கெட் போட்டி ரத்து செய்யப்பட்டு உள்ளது.

அல்-குரம் பகுதியில் மின் சேவைகள் நிறுத்தப்பட்டுள்ளன. 2,700 பேர் அவசர கால பாதுகாப்பு மையங்களில் தங்க வைக்கப்பட்டுள்ளனர்.

ஓமன் நாட்டை ஒட்டியுள்ள ஐக்கிய அரபு அமீரகத்தின் அல்-எய்ன் பகுதியில் மக்கள் வெளியே செல்ல வேண்டாம் என்று அறிவிக்கப்பட்டுள்ளது.

 236 total views,  1 views today

RELATED ARTICLES

Most Popular